Kurtsoko lehen asanbladan, kanpamenduko menuaz hitz egin da
Eskubeltz osatzen duten hiru atalak, begiraleak, gurasoak eta asabak, San Nikolasen batu dira pasa den larunbatean, kurtsoko lehen asanblada ospatzeko. Gai ordenean hamaika gai egon dira, hala nola, aurreko kurtsoko balantzea edo hasi berri den kurtsoko kuota zenbakiak eta errolda. Etorri den guztiak aukera izan du bere iritzia emateko.
Gurasoen eta asaben txandan, bi gai interesgarri ezarri dira mahai gainean. Bata, umeek eta gazteek kanpamenduan jaten duten menua izan da. Izan ere, osasuntsua eta orekatuta izan arren, batzuetan kantitateak ez dira nahikoak. Beraz, asanbladan adoztu da buelta bat ematea eta nutrizionista baten ekarpenak menuan gehitzea. Bestalde, zenbait ideia atera dira kanpamenduko desmuntaia eraginkorragoa izateko eta, batez ere, materiala hobeto kudeatzeko.
Asanblada amaitu ondoren, Berangora garagardotegi batera joan dira guztiok batera afaltzera, baina laster ohera, igandean lokalak txukundu dira eta.
