Kaskondoen irteera eta ehiza liburuaren hasiera
Pasa den asteburuan, Kaskondoak Barrikara joateko irteera egin zuten oinez, taldean denbora pasatzeko, ingurua ezagutzeko eta elkarrekin abentura berri bat bizitzeko asmoz. Ibilaldian zehar, naturaz eta lagunarteaz gozatzeko aukera izan zuten, eta eguna Sopelako parkean jolasten amaitu zuten.
Bidean zehar, paisaiaz gozatu eta elkarrekin solasean aritzeko tartea izan zuten. Oinezko ibilbidea esperientzia partekatzeko eta taldeko harremanak sendotzeko aukera polita izan zen. Behin Sopeñara iritsita, parkean gelditu ziren jolasteko eta elkarrekin ondo pasatzeko.
Ehiza-koadernoak: gure bizipenak jasotzeko lekua
Egun horretan, ehiza-koadernoak ere aurkeztu eta lantzen hasi ziren. Koaderno hauek bakoitzaren eguneroko txikiak izango dira; bertan, eskautek beren kezkak, proposamenak, bizitako anekdotak eta oroitzapenak idazteko aukera izango dute. Marrazkiak egin, argazkiak edo bestelako gauzak itsatsi eta nahi dituzten ideiak jasotzeko ere erabiliko dituzte.
Gainera, koadernoek aisialdirako proposamen eta egiteko batzuk ere izango dituzte, denbora librean egiteko. Horrela, bakoitzak bere koadernoa pixkanaka osatu ahal izango du, urtean zehar bizitakoak, sortutako ideiak eta oroitzapenak bertan bilduz. Azken finean, ikasturtean zehar biziko dituzten abenturen eta esperientzien lekuko izango dira ehiza-koadernoak!
barrika larrbasterra libro de caza mar metro oinez paseo playa
